నోరా ఫతేహీ పేరు వినగానే మన మనసుని మెలికలు తిప్పే నాట్య మనోహరి కళ్ల ముందు కదలాడుతుంది.అంతే కాదు..బాహుబలి సినిమాలో ‘మనోహరీ..’ అన్న పాట కూడా వినిపిస్తుంది.అవున్నిజమే..బాహుబలిలో మనోహరి అనే పాటకు మెరుపులు…విరుపులు,మెలికలు అబ్బో అందచందాలను అలా తప్పేసిన భామ పేరే నోరా ఫతేహీ.
ఈమె పేరును వినగానే మనిండియా పిల్ల కాదని వెంటనే స్ఫురిస్తుంది. ఔను మొరాకో గాళ్‌. అయితే తండ్రికి మాత్రం భారత మూలాలున్నాయి. తల్లి మాత్రమే మొరాకో కంట్రీ. కెనడాలో జన్మించిన ఈ భామ బాలీవుడ్‌ను ఏలాలని ఐదువేల రూపాయలు చేతులో పెట్టుకొని ముంబై వాలింది. వేషాల కోసం అష్టకష్టాలు పడి,టీ,బ్రెడ్డుతోనే కొన్నాళ్లు సరిపుచ్చుకుంది. ఇప్పుడు ఐటెం సాంగ్‌కు కోటీ రూపాయలు తీసుకుంటుందని బాలీవుడ్‌లో వినికిడి. ప్రభాస్‌,సల్మాన్‌ఖాన్‌,అజయ్‌దేవ్‌గన్‌లాంటి ప్రముఖ నటులతో చిందేసిన ఈ మొరాకో గాళ్‌ కోట్లు వెనకేసుకుందని బాలీవుడ్‌ చెబుతోంది. మొత్తానికి కష్టానికి ఫలితం దక్కింది.